Georg „Girgl“ Jennerwein, vulgo "Jennerwein Girgl", (* 1848 in Hais bei Hoizkira; † 1877 an da Rinnerspitz in de Schlierseer Berg) war a Wuidschütz und a boarischa Voikshejd.
Da Girgl woar a Hoizarbeiter und hod rund umman Schliersee gwerklt. Ea woa a guada Schütz, hod oba a gean Gstanzl gsunga und Zither afgspuid. De Leidln hobn eam nochgsogt, dass ea a richtiga Wiatshausbruada gwen wa, dea gean gweibert und grafft hod.
Er is beim Wuidan am 6. Novemba 1877 vom Jagdghuifn Josef Pföderl, am Kriagskameradn vo eam dawischt und vo hint daschossn worn. Nach seim Tod is er zua am Symbol vo da Auflehnung geng de Obrigkeit worn.